April 10, 2024

Madhesh Khabar

मधेशको न.१ मेडिया हजुरको हरपलको साथमा – मधेश खबर

शाहरुख खानकी छोरी सुहाना बनिन् किसान

 

एजेन्सी ।

बलिउडका चर्चित अभिनेता शाहरुख खानकी छोरी सुहाना खान चर्चामा आइरहन्छिन् । छिटै उनी जोया अख्तरको ‘द आर्चीज’ मा देखिँदैछिन् जसमा उनी बाहेक खुशी कपूर र अगस्त्य नन्दा पनि मूख्य भूमिकामा देखिएका छन् । अहिले उनले खेतीकिसानी तिर पनि यात्रा थालेकी छन् ।

कुरा के भने, सुहाना खानले अलीबागको थाल गाउँमा खेत किनेकी छन्, जसको मूल्य करोडौं छ । यति मात्र नभएर सुहानाले रजिस्ट्रेशनको कागजमा आफूलाई किसान भनेकी छन् । उनको यस्तो कदमले सबैलाई हैरान पारेको छ ।

मिडिया रिपोर्टका अनुसार सुहाना खानले १ जुनमा डेढ एकड जमीन किनेकी छन् । जसको मूल्य लगभग १३ करोड भारतीय रुपैंया छ । सुहानाले खेत किन्नुअघि शाहरुख खानले पनि अलिबागमा आलिशान बंगला बनाएका छन् ।

किंग खानको अलिबागमा समुद्र किनारामा एक बंगला रहेको छ जसमा स्वीमिंग पूल र हेलीप्याड समेत बनेको छ । उनले आफ्नो जन्मदिन समेत अलिवागको उक्त बंगलोमा मनाएका थिए ।