धनुषाको विद्यालयहरुमा शिक्षक दरबन्दीको चरम अभाव

धनुषा जिल्लामा विद्यार्थीको अनुपातमा शिक्षक दरवन्दीको अवस्था बुझन आम जनता पार्टीका नेताहरुले आज विभिन्न विद्यालयहरुको अनुगमन गरेको छ । आजपा सचिव श्रीचन मुखिया र नेता श्रीलाल महासेठ सहितको टोलीले श्री त्रिभुवन आदर्श माध्यमिक विद्यालय बिनही र श्री कण्टिर झा नमूना उच्च माध्यमिक विद्यालय बभनगामाको पुगेर अन्तरक्रिया समेत गरि वास्तविकता बुझेको स्थिति छ । उक्त बिधालयहरुमा विद्यार्थीको अनुपातमा शिक्षक दरबन्दीको चरम अभाव रहेको पीड़ादायी अवस्था छ । यस पीड़ादायी अवस्थाको अन्त्यको लागि शैक्षिक हड़तालको विकल्प नरहेको निष्कर्ष सहित संघर्षको ठोस कार्यक्रम ल्याउने सहमति भएकोछ ।