May 21, 2024

Madhesh Khabar

मधेशको न.१ मेडिया हजुरको हरपलको साथमा – मधेश खबर

स्वतन्त्र उम्मेद्वार जयसवालप्रति जनलहर बढ्दै, जिपमा मत दिएर विजयी बनाउने मतदाताकाे प्रतिबद्धता

रौतहट २१,कार्तिक ।

रौतहट क्षेत्र नम्वर ४ (ख) बाट प्रदेश सभा सदस्यका स्वतन्त्र उम्मेदवार रवि जयसवाल प्रति दिनप्रतिदिन जनलहर बढ्दै गएको छ ।
बृन्दाबन वडा न.४ मा सोमबार भएको घरदैलोमा मतदाताको उपस्थितिले रवि जयसवाल प्रतिको जनलहर बढेको देखाएको हो ।
स्वतन्त्र उम्मेद्वार रविप्रति मतदाताको भरोसा बढ्नुका साथै जयसवालको लोकप्रियता बढ्दै जानुले उनको जित कसैले रोक्न नसक्ने त्यहाँका मतदाताहरु बताउँछन् ।
अहिले देशले नै परिवर्तन खोजिरहेका बेला यहाँ स्वतन्त्र उम्मेद्वार जयसवालको विकल्प नभएको बताउँदै मतदाताहरुले जयसवाललाई विजयीको आशिर्वाद दिँदै फुल माला लगाइदिएका थिए ।
बृन्दावन वडा न.४ हरैया-पल्टुवा र आमटोलका मतदाताको घरदैलोमा पुगेर स्वतन्त्र उम्मेद्वार जयसवालले मंसिर ४ गतेको निर्वाचनमा आफूलाई जिप छापमा मतदान गरेर विजयी बनाउन आग्रह गरे ।
अहिले दलका नेताहरु विभिन्न प्रलोभन दिँदै गाउँगाउँ आउने हुँदा उनीहरुको चिप्ला कुरामा नफस्न र परिवर्तनका लागि साथ दिन मतदातासँग उनले आग्रह गरे । घरदैलोमा स्वस्फूर्त रुपमा महिला, बृद्ध, युवा लगायतको उल्लेख्य उपस्थिती रहेको थियो ।