देशभरका गरी ४४ वटा मतदान केन्द्रको मतदान स्थगित भएको छ

काठमाडौं देशभरका गरी ४४ वटा मतदान केन्द्रको मतदान स्थगित भएको छ । निर्वाचन आयोगले १४ जिल्लाका ४४ वटा मतदान केन्द्रमा दलहरूको आपसी विवाद र झडपका कारण मतदान स्थगित भएको जनाएको हो ।

निर्वाचन आयोगले शुक्रवार साँझ पत्रकार सम्मेलन गरी कतिपय मतदान केन्द्रमा मौसमको खराबीका कारण पनि स्थगित भएको जनाएको छ ।

निर्वाचन शान्तिपूर्ण रूपमा सम्पन्न भएको प्रमुख निर्वाचन आयुक्त दिनेश थपलियाले बताएका छन् । थपलियाले करिव ५४ प्रतिशत मतदान भएको र अपेक्षित मत नखसेको जनाए ।

आयोगका अनुसार जुम्ला, सप्तरी, काभ्रे, रौतहट, रामेछाप, बारा, बाजुरा, पर्वतलगायत जिल्लाका केही मतदानस्थलमा विवाद भएका कारण मतदान कार्य अवरुद्ध भएको छ ।