१७ असार, काठमाडौं ।
अदालतभित्रै कर्मचारी कुटेको आरोपमा वकिललाई पक्राउ गरिएको विरोधमा नेपाल बार एसोसिएसनले सोमबार देशभर बन्दीप्रत्यक्षीकरण बाहेकका मुद्दामा बहस पैरवी नगर्ने भएको छ ।
जिल्ला अदालत ललितपुरकी कर्मचारी प्रेमिका तामाङलाई हातपात गरेको आरोपमा कानून व्यवसायी अमिर लामिछाने पक्राउ परेका छन् ।
बारले उनलाई २४ घण्टाभित्र रिहा गर्नुपर्ने माग राखी सांकेतिक विरोध भन्दै सोमबार देशभरका अड्डा अदालतमा बन्दीप्रत्यक्षीकरण बाहेकका निवेदनमा बहस पैरवी नगर्ने घोषणा गरेको हो ।
बारले लामिछानेलाई तत्काल रिहा गर्न, सीसीटीभी फुटेज सार्वजनिक गर्न, लामिछानेले दिएको जाहेरी दर्ता गर्न माग गरेको छ ।
१३ असारमा जिल्ला अदालत ललितपुरमा नासु तामाङलाई काम गरिरहेको अवस्थामा लामिछानेले आक्रमण गरेको भन्दै विरोध स्वरुप देशभरका अदालतका कर्मचारीहरुले आन्दोलन स्वरुप आज आइतबार ३ घण्टा काम रोकेका छन् ।
लामिछाने विरुद्ध नासु तामाङले १३ असार मै जिल्ला अदालत ललितपुरमा अदालतको अवहेलनामा कारबाही गर्न माग गर्दै निवेदन दिएकी थिइन् र लामिछाने पक्राउ परेका थिए ।
More Stories
मिति वि।स।२०८१ श्रावन ०२ गते प्रकाशित नेपाल मधेश खबर पढनुहोस् ।
मिति वि.स.२०८१ सावन ०१ गते प्रकाशित नेपाल मधेश खबर पढनुहोस् ।
धनुषाको विद्यालयहरुमा शिक्षक दरबन्दीको चरम अभाव