२५ माघ, वीरगञ्ज ।
सशस्त्र प्रहरीले वीरगञ्जबाट स्रोत नखुलेको ठूलो परिमाणको रकमसहित दुई जना भारतीय नागरिकलाई पक्राउ गरेको छ ।
भारतको बिहार मोतिहारी जिल्ला रक्सौल नगरपालिका वडा नं ११ बस्ने २६ वर्षीय राकेश कुमार र २७ वर्षीय प्रशन्जित कुमार पक्राउ गरेका हुन् ।
उनीहरुको साथबाट १८ लाख ५ सय नेपाली रुपैयाँ र दुई हजार तीन सय भारतीय रुपैयाँ बरामद भएको सशस्त्र प्रहरीले जनाएको छ ।
सशस्त्र प्रहरी बल नेपाल वोर्डर आउट पोष्ट वीरगञ्जको टोलीले वीरगञ्ज महानगरपालिका–१६ भन्सार मेनगेटमा नियमित चेकजाँच गरिरहेको थियो ।
सोही क्रममा भारतबाट नेपाल तर्फ आउँदै गरेको BR05AT8967 र BR05AV6871 नम्बरको भारतीय मोटरसाईकल सशस्त्र प्रहरीले चेकजाँच गरेको थियो ।
उनीहरुले हेल्मेटमा लुकाएर ल्याउँदै गरेको अवस्थामा रकम भेटिएको र स्रोत खुलाउन नसकेकोले नियन्त्रणमा लिएको सशस्त्र प्रहरी निरीक्षक रविन्द्र भट्टले जानकारी दिए ।
उनीहरुलाई आवश्यक कारबाहीका लागि जिल्ला प्रहरी कार्यालय पर्सामा बुझाउने तयारी भइरहेको सशस्त्र प्रहरीले जनाएको छ ।
More Stories
मिति वि।स।२०८१ श्रावन ०२ गते प्रकाशित नेपाल मधेश खबर पढनुहोस् ।
मिति वि.स.२०८१ सावन ०१ गते प्रकाशित नेपाल मधेश खबर पढनुहोस् ।
धनुषाको विद्यालयहरुमा शिक्षक दरबन्दीको चरम अभाव