December 9, 2023

Madhesh Khabar

मधेशको न.१ मेडिया हजुरको हरपलको साथमा – मधेश खबर

आदिवासी जनजाति लेखक महासंघ कोरियाको अध्यक्षमा खेम पुन

 

दक्षिण कोरिया ।

आदिवासी जनजाति साहित्यकार–लेखक महासंघ दक्षिण कोरियाको अध्यक्षमा समीप खेम पुन मगर निर्वाचित भएका छन् । महाधिवेसनको प्रथम अधिवेसनले पुनलाई अध्यक्षमा निर्वाचित गरेको हो ।

दक्षिण कोरियाको राजधानी सउलमा गएको आइतबार भएको अधिवेसनले पुनको अध्यक्षतामा १५ सदस्यीय समिति चयन गरेको छ । समितिको वरिष्ठ उपाध्यक्षमा शकुन आँसु, उपाध्यक्षमा खेम गुरुङ र सेसेफुङ शेर्मा, महासचीवमा अमिर योन्जन, सचीवहरुमा दिलिप वान्तवा र विष्णु सन्याय, कोक्षध्यक्षमा उत्तम खजुम चयन भएका छन् ।
सदस्यहरूमा दिपा मेवाहाङ, विनेस राई, डम्बर सुब्बा, मधु सिङ्जाली, रेजिना राई, एडिन छन्त्याल र एल बी रुम्बा रहेका छन् ।

निवर्तमान अध्यक्ष पराजित पोमुको अध्यक्षतामा भएको अधिवेशनले तीन बुँदे घोषणापत्र समेत जारी गरेको छ । जसअनुसार महासङ्घले आदिवासी जनजातिहरूको हक हितका निम्ति हुने सबै प्रकारको आन्दोलनमा नैतिक समर्थन दिने निर्णय गरेको छ ।

आदिवासी जनजातिहरूको भाषा, लिपि, धर्म र सँस्कृति संरक्षण तथा सम्बर्द्धनकम लागि समर्पित रहने जनाएको छ । यस्तै, आदिवासी जनजातिहरूसँग सम्बन्धित मुद्दा र विषयलाई लेखनमार्फत उजागर गर्ने प्रयत्न गर्ने घोषणापत्रमा उल्लेख गरेको छ ।

आदिवासी जनजाति साहित्यकार–लेखक महासङ्घ दक्षिण कोरियाको स्थापना सन् २०२१ फेब्रुअरी २१ मा भएको थियोे । तत्कालीन समिति १७ सदस्यीय रहेको थियोे । महासङ्घको १४ वटा मुलुकहरूमा प्रवास समितिहरू रहेका छन् ।