रौतहट,४ मंसिर
मंसिर ४ गते आइतबार प्रतिनिधिसभा तथा प्रदेशसभाको लागि भएको निर्वाचन रौतहटमा छिटफुट घटना बाहेक शान्तिपुर्ण तरिकाले सम्पन्न भएको छ। क्षेत्र ३ मा भने दिनभरी प्रायः ठाउँ ठाउँमा झडप भएको छ। कतै फर्जी मत हाल्न त कतै मतदातालाई मतदान गर्न बाट बन्चित गराउन खोज्दा भएको झडप लाई साम्य पार्न प्रहरीले ३ राउन्ड हवाईफायर समेत गरेको छ । समग्रमा रौतहटको ४ वटै निर्वाचन क्षेत्रमा गरि कुल ६५ प्रतिशत मात्र मतदान भएको छ। आज सम्पन्न प्रतिनिधि सभा र प्रदेश सभाका लागि भएको निर्वाचन रौतहटमा शान्तीपूर्णरुपमा समपन्न भएको छ ।
क्षेत्र नम्बर ३ को गरुडा नगरपालिका महमदपुर,पोठियाही,र अमरपटी टोलमा दिनभरिनै अवस्था तनावग्रस्त बनेको थियो । नेपाल प्रहरी सशस्त्र प्रहरी तथा नेपाली सेनाको सक्रियताले त्यहाँ निर्वाचन भएको छ । तर अधिकांश मतदाता मतदान बाट बन्चित रहेका छन । त्यसैगरी गरुडा नगरपालिका पोठियाही गाउँमा भने बिहानै देखि गठबन्धनका कार्यकर्ताहरु उत्पात मचाएका थिए । मतदान गरेर फर्किएका युवाहरु पुनः लाईनमा बसेर बामपंथी मतदाता लाई पटकपटक गाली बेईजती गरेका थिए । घटनाको खबर पाई त्यहाँ पुगेका उमेदवार प्रभु साहको प्रतिनिधि त्रिभुवन साह चढेको गाडी र भरत साह चढेको गाडीमाथी उनीहरुले आक्रमण गरि दुबै गाडीमा क्षति पुर्याएका छन । त्यस्तै गरुडाको अमरपटी गाउँमा आउने मतदाता माथि दिनभरि आक्रमण भएको छ। अमरपटी बिधालयमा पोठियाही गाउँ बाट आउने मतदाता लाई उनिहरुले दिउसो सम्म बुथ सम्म छिर्न दिएका थिएनन। दिउसो १ बजे संचारकर्मीको टोलि अमरपटी गाउँमा पुगेपछि केही मतदाता सशस्त्र प्रहरी को सहयोगमा मतदान गरेका थिए । तर त्यहाँ पनि अधिकांश मतदाता मतदान बाट बन्चित रहेका छन । समग्रमा जिल्लाको चार निर्वाचन क्षेत्रमा ६५ प्रतिशत मत खसेको जिल्ला निर्वाचन कार्यालय रौतहटले जनाएको छ । बिहान ७ बजे शुरु भएको मतदानमा स्थानियको सहभागीता यस अघिको स्थानिय तहको निर्वाचन भन्दा कम देखिएको छ । स्थानिय तहको निर्वाचनमा झण्डै ८० प्रतिशत मतदान भएको रौतहटमा प्रतिनिधि र प्रदेश सभाका लागी ६५ प्रतिशत मात्र मतदान भएको छ ।
जिल्ला भरी सुरक्षाकर्मीको बाक्लो उपस्थीतीका कारण कतै पनि अप्रिय घटना नघटेको जिल्ला प्रशासन कार्यालय रौतहटले जनाएको छ । निर्वाचनमा अवरोध हुन नदिन रौतहटको गुजरा र गरुडा नगरपालिकामा प्रहरीले ३ राउण्ड हवाई फायर गरेको थियो । छिटफुट वादविवाद बाहेक जिल्लामा शान्तीपूर्ण रुपमा निर्वाचन सम्पन्न भएको सिडियो कृष्ण बहादुर शाहीले बताए । मतदान केन्द्रहरुबाट सुरक्षित रुपमा मतगणना स्थलमा मतपेटीका ल्याने क्रम जारी रहेको उनले बताए ।
निर्वाचन सुरक्षाका लागी जिल्लाभरी करीब ६ हजार भन्दा बढी सुरक्षाकर्मी परिचालन गरिएको थियो ।
रौतहटका ४ वटै क्षेत्रमा मतगणना आजै राति बाट शुरु हुने निर्वाचन कार्यालयले जनाएको छ । चारवटै निर्वाचन अधिकृतको कार्यलयमा मतपेटिकाहरु ढुवानी भए पश्चात सर्वदलिय बैठक गरेर आजै रातिबाट मतगणना शुरु हुने निर्वाचन कार्यालयले जनाएको छ ।
More Stories
भ्रष्टाचारीलाई जहाँ देख्यो त्यही जनकारवाही गर्न आईटी आर्मीलाई प्रभु साहको निर्देशन
फतुवा विजयपुरमा एक जना राहत शिक्षकलाई दुई विधालयको प्रधानाध्यापकको जिम्मेवारी
धरहरीकाे राधाकृष्ण मन्दिर आकर्षणकाे केन्द्र बन्दै असार ३१मा प्राण प्रतिष्ठा