असार ११, २०८१
बाराको कलैयास्थित रामराजा बहुमुखी क्याम्पसका प्रमुख हरिभूषण कुशवाहाको हत्यामा संग्लग्न भएको आरोपमा प्रहरीले थप सात जनालाई पक्राउ गरेको छ ।
विभिन्न ठाउँबाट पक्राउ परेका उनीहरूको साथबाट ६ राउन्ड गोलसमेत बरामद गरिएको जिल्ला प्रहरी कार्यालय, बाराले मंगलवार विज्ञप्ति जारी गर्दै जनाएको छ ।
![](http://madheshkhabar.com.np/wp-content/uploads/2024/06/dd-199x300.jpg)
पक्राउ परेका उनीहरूलाई बारा जिल्ला अदालतबाट म्याद थप गरी अनुसन्धान भइरहेको बारा प्रहरीले जनाएको छ । यस प्रकरणमा फरार अभियुक्तहरूको खोजी कार्य भइरहेको प्रहरीको भनाइ छ ।
बाराको आदर्श कोतवाल नगरपालिका–३ मा अज्ञात समूहको गोली प्रहारबाट गत जेठ ३२ गते क्याम्पस प्रमुख कुशवाहाको हत्या भएको थियो ।
गोली प्रहारबाट गम्भीर घाइते भएका कुशवाहाको वीरगञ्जस्थित बयोधा अस्पतालमा उपचारका क्रममा मृत्यु भएको थियो ।
घटनालगत्तै प्रहरीले शंकास्पद केहीलाई नियन्त्रणमा लिएर अनुसन्धान थालेको थियो । अहिले थप पक्राउ परेका हुन् । लोकान्तर संवाददाता
More Stories
नदीमा बेपत्ता बालकको शव फेला
करेन्ट लागेर एकजनाको मृत्यु
सिमलताल दुर्घटना : बेपत्ताको खोजीमा ३ सय सशस्त्र प्रहरी परिचालित