आरती_साहलाई_न्याय_दिलाउन_आजपाद्वारा_मानवअधिकार_आयोगमा_ज्ञापन_पत्र

कर्तिक २३ गते

आम जनता पार्टीले आज आरती साहको विषयमा राष्ट्रिय मानवअधिकार आयोगलाई ज्ञापन पत्र बुझाएकोछ । आजपा उपाध्यक्ष एवं सभासद मा. तिलक थापाको नेतृत्वमा सयौको संख्यामा हरिहरभवन आयोगको कार्यालय पुगी पीड़ित परिवारको माग सुनवाईको लागि पहल गर्न दवाव दिएकाछन । विगत १४७ दिनदेखि अनवरत न्यायको लागि माईतीघर मण्डलामा संघर्षरत पीडित परिवारको मागप्रति ऐक्यबद्धता जनाउदै आजपाले निरन्तर सरकारको गम्भीर ध्यानाकर्षण गराउदै आएकोछ । पीडित परिवारको अटुट आत्मबल एवं संघर्ष तथा विभिन्न प्रारुपमा हामी लगायत आम न्यायप्रेमीहरुको सक्रिय साथ – सहयोगले यो आन्दोलनले सार्थकता प्राप्त गरेरै छाड्ने गहिरो अपेक्षा एवं विश्वास सहित सरकारलाई छिटै वार्ता-संवादद्वारा यसको ठोस समाधान दिन हार्दिक आग्रह गर्दछु ।