श्रीमतीको हत्या आरोपमा युवक पक्राउ

२२ असार, जनकपुरधाम।

सर्लाहीमा खुकुरी प्रहार गरी श्रीमतीको हत्या गरेको आरोपमा युवक पक्राउ परेका छन् ।

पक्राउ पर्नेमा हरिवन नगरपालिका-५ घुर्कौली टोल बस्ने ३५ वर्षीय राम भरोश भन्ने अर्जुन महतो रहेको सर्लाहीका प्रहरी प्रवक्ता डिएसपी दिपेन्द्र पंजियार थारुले जानकारी दिए ।

उनका अनुसार अर्जुनले आज दिउँसो घरायसी झग्डाको कारण श्रीमती २८ वर्षीया नैन कुमारी महतोलाई खुकुरी प्रहार गरी हत्या गरेका हुन् ।

घाँटीमा खुकुरी प्रहार गर्दा उनका मृत्यु भएको हो । घटना विषयमा थप अनुसन्धान भइरहेको प्रहरीले जनाएको छ ।