राैतहट,मंसिर १९ गते
राैतहटकाे देवाही गाेनाही नगरपालिका वडा नम्बर २ करूनिया स्थित लालबैया नदीमा नदि नियन्त्रणकाे काम सम्पन्न भएको छ । लालबकैया नदीमा तटबन्ध जाली बाेल्डरकाे कार्य सम्पन्न भएको हाे । करूनिया किनारमा बाँध नियन्त्रणकाे निर्माण कार्य गरिएको हो ।
पूर्व मन्त्री प्रभु साहकाे निर्देशन एवम् नगरप्रमुख प्रेमलाल साहकाे सक्रियतामा बाँध नियन्त्रणकाे काम सम्पन्न गरिएको छ ।
करूनिया नजिकको साे बाँध बर्षाको बेलामा भत्किदै आइरहेको थियो । बाँध भत्किदा दर्जनौं गाउँमा पानी पस्ने गरेकाे थियाे । पानी पसेपछि साे क्षेत्रकाे बासिन्दा सधैं डुबानमा पर्ने गरेका थिए । बाढि आएपछि हरेक बर्ष बाेरामा बालुवा हालेर जसरी तसरी मर्मत गर्ने गरिन्थ्यो । हरेक वर्ष बाढी तथा डुबानका कारण करूनिया,जिंगडवा सहितकाे दर्जनौं गााँउ डुबानमा पर्ने गरेको थियाे ।
लालबकैया नदीमा बाढी आएपछि आसपासका बस्ती डुबानमा पर्ने गरेका थिए । खेतीयोग्य जमीन कटान हुँदै आएको थियाे । स्थानीयलाई सास्ती थियाे । कटान नियन्त्रण गरी खेतीयोग्य जमीन बचाउँने उदेश्यले साे काम गरिएको नगरप्रमुख प्रेमलाल साहले बताएका छन् ।
More Stories
भ्रष्टाचारीलाई जहाँ देख्यो त्यही जनकारवाही गर्न आईटी आर्मीलाई प्रभु साहको निर्देशन
फतुवा विजयपुरमा एक जना राहत शिक्षकलाई दुई विधालयको प्रधानाध्यापकको जिम्मेवारी
धरहरीकाे राधाकृष्ण मन्दिर आकर्षणकाे केन्द्र बन्दै असार ३१मा प्राण प्रतिष्ठा