२०७९ कार्तिक १९
रुपन्देहीको छपियामा सम्पन्न नेपाल–भारत सुरक्षा अधिकारीहरूको बैठकले नेपालमा हुन गइरहेको आमनिर्वाचनलाई मध्यनजर गर्दै ७२ घण्टा सीमा सिल गर्ने निर्णय गरेको छ।
आगामी मंसिर ४ गते हुने प्रतिनिधि तथा प्रदेश सभाको निर्वाचनको सुरक्षालाई मध्यनजर गर्दै नेपाल–भारत सुरक्षा अधिकारीहरूको बैठक बसेको जिल्ला प्रशासन कार्यालय रुपन्देहीका प्रमुख जिल्ला अधिकारी भरतमणि पाण्डेयले जानकारी दिए।
नेपाल–भारत सुरक्षा अधिकारीहरूको बैठकले मंसिर ४ गतेको निर्वाचनलाई लक्षित गरी शान्ति सुरक्षा कायम गर्न र सीमामा हुने सक्ने आपराधिक गतिविधि नियन्त्रणका लागि मंसिर १ गते राति १२ बजेदेखि मंसिर ४ गते राति १२ बजेसम्म नेपाल–भारत सीमा बन्द गर्ने निर्णय भएको रुपन्देहीका प्रमुख जिल्ला अधिकारी पाण्डेयले जानकारी दिए।
बैठकमा लुम्बिनी प्रदेशअन्तर्गत रुपन्देही, कपिलवस्तु र नवलपरासीका प्रमुख जिल्ला अधिकारी र सुरक्षा प्रमुख तथा भारततर्फ यी जिल्लासँग सीमा जोडिएका भारतीय सुरक्षा अधिकारी सहभागी थिए।
बैठकमा चोरी निकासी, लागुऔषध, चेलिबेटी बेचबिखन, हातहतियार ओसारपसारलगायतका विषयमा सचेतनामूलक कार्यक्रम गर्ने तथा निगरानी गर्ने निर्णय भएको पाण्डेयले बताए। नयाँ पत्रिका
More Stories
मधानी महायज्ञमा रवि किशन, बिनय बिहारीदेखी रितेश पाण्डे लगायतका चर्चित कलाकार आउँदै
सितलपुरमा निःशुल्क शिविरमा १६० जनाको आँखा परीक्षण सम्पन्न
भ्रष्टाचारीलाई कारवाहीको माग गर्दै बौद्धिमाई नगरपालिका घेराउ