ओम प्रकाश यादव
गरुडा समाचारदाता
कार्तिक १ गते, रौतहट ।
आगामि मंसिर ४ गते हुने प्रतिनिधिसभा र प्रदेशसभा सदस्य निर्वाचनको मिति नजिकिएसंगै रौतहटका राजनीतिक दल र उम्मेदवारहरुले प्रचारप्रसारलाई तीव्र रुपमा अगाडि बढाएका छन ।
अहिले उम्मेदवारहरुले घरदैलो अभियानलाई तिव्रता दिएका छन । प्रतिनिधिसभा र प्रदेशसभा सदस्यका उम्मेदवारहरु यतिखेर विभिन्न चुनावी प्रतिवद्धता पत्र सहित आ आफना पक्षमा मत माग्न जनताको घरदैलोमा पुग्न थालेपछि रौतहटको चुनावी माहौल यतिखेर पुरै तातेको छ ।
जनता समाजवादी पार्टी र नेकपा एमालेका संयुक्त गठबन्धनका रौतहट क्षेत्र नं १ ‘ख’ का प्रदेश सांसदका उम्मेदवार योगेन्द्र यादवले पनि अहिले घरदैलो अभियानलाई तिव्र गतिमा अगाडि बढाएका छन् ।
मधेश प्रदेशका भूमि व्यवस्था कृषि तथा सहकारी राज्य मन्त्री समेत रहेका प्रदेश सांसदका उम्मेदवार यादवले आफना निर्वाचन क्षेत्रको माधवनारायण नगरपालिका ४ विपुनपूर्वा मानपुरबाट सोमवारदेखी घरदैलो अभियानको शुरुवात गर्दै यस क्षेत्रलाई आफुले विकसित र समृद्ध बनाउने गरेको परिकल्पनालाई पुरा गर्न आफुलाई पुन एकचोटी विजयी गराउन आम मतदाताहरुसँग आग्रह गरेका छन् ।
यसअघि आफु यसै क्षेत्रबाट प्रदेश सांसदमा निर्वाचित हुँदा जनताको चाहना अनुसारको शिक्षा, स्वास्थ्य, कृषि, पुर्वाधार निर्माण लगाएत सबै क्षेत्रमा जनताको मन जित्ने गरी विकास निर्माणको काम गरेको र अझै थुप्रै कामहरु गर्न बाँकी रहेकोले बाँकी काम पुरा गर्न आफना पक्षमा एकपटक फेरी मतदान गरी आफुलाई विजयी बनाउनुपर्ने उनले धारणा राखे ।
समृद्ध क्षेत्र बनाउन बाँकी रहेका योजनाहरुलाई पुरा गर्दै जनभावना अनुसार अगाडि बढ्ने प्रतिवद्धता व्यक्त गरेका हुन ।
आफु पुन दोश्रो कार्यकालको लागि निर्वाचित भएमा क्षेत्रका अधुरा कामलाई प्राथमिकता दिदै सम्पन्न गर्नेका लागि आफू निरन्तर लागि रहने बताउदै मतदाताहरूलाई गरिएका बाचाहरू पुरा गर्ने उनले बताए ।
आफुले विगत पाँच वर्षमा गरेको कामलाई हेरेर आम जनताको आफुप्रति ठुलो साथ र सहयोग रहेकोले आउँदो निर्वाचनमा आफनो जित कसैले रोक्न नसक्ने उनले दावी गरे । आफनो जित फेरी निश्चित नै हुने भएकोले निर्धक्क भई आफना पक्षमा मतदान गरी आफुलाई निर्वाचित गराउन उनले आग्रह गरे ।
संघियता, लोकतन्त्र र गणतन्त्रको रक्षाको लागी एमाले जसपा गठबन्धनका उम्मेदवारलाई बिजयी बनाउन उनले सबैलाई आग्रह गरे ।
राज्य मन्त्री यादवले घरदैलो कार्यक्रमलाई तिव्रता दिएसंगै उहाँप्रति मतदाताहरू निकै आर्कषित भएका छन् ।
More Stories
भ्रष्टाचारीलाई जहाँ देख्यो त्यही जनकारवाही गर्न आईटी आर्मीलाई प्रभु साहको निर्देशन
फतुवा विजयपुरमा एक जना राहत शिक्षकलाई दुई विधालयको प्रधानाध्यापकको जिम्मेवारी
धरहरीकाे राधाकृष्ण मन्दिर आकर्षणकाे केन्द्र बन्दै असार ३१मा प्राण प्रतिष्ठा