कटहरियामा पुर्व मन्त्री प्रभु शाहले डफली बजाएर दिए होलीको शुभकामना

रौतहट,चैत ०१ गते
नेकपा एमालेको स्थायी कमिटि सदस्य तथा पुर्वमन्त्री प्रभु शाहले डफली बजा बजाएर होलीको शुभकामना दिएका छन् । रौतहटको कटहरिया नगरपालिका स्थिति रहेको कटहरिया बिवाह मण्डप भवनमा आज (मंगलबार) होली पर्वको अवसर पारि पुर्वमन्त्री शाहले शुभकामना आदानप्रदान गरेका हुन् ।
होलि पर्वमा डफली बजाको महत्व पनि उतिकै रहेको तथा हाम्रो संस्कृतिलाई लोप हुनबाट जोगाउनका लागि शाहले संस्कृतिक रुपमा मनाइदै आएको होलि पर्वलाई शान्तिपूर्ण र सौहार्दपूर्ण वातावरणमा मनाउन आग्रह गरे ।
उनले आसन्न स्थानीय तहको चुनावमा साथ दिन आग्रह गरे । अगामी चुनाव एमाले पार्टीलाइ तपाइहरुको यस्तै साथ रह्यो भने यो भन्दा पनि धेरै राम्रो सङ समाजको बिकास हुने वाचा गरे । यहाँको बिकास कसैले रोक्न न सक्ने बताए । उनले होलिको शुभकामना पनि दिएका थिए ।
सो कार्यक्रमलाइ कटहरिया नगर प्रवक्ता एवम् वडा नम्बर ४ का वडाध्क्ष चन्दन कुमार कुश्वाहाले उद्घघोषण गरेका थिए ।
एमाले नगर कमिटि कटहरियाद्धारा आयोजना गरिएको कार्यक्रममा निवर्तमान विद्यायक कुन्दन कुशवाहाले होलि पर्वको शुभकामना दिने क्रममा उनले भने हिन्दुहरुको महान पर्वहरु मध्ये एक हो होली पर्व हो । यो पनि अब विस्तारै विस्तारै लोप हुने क्रममा छ । होलि पर्व मात्र न भई हिन्दुहरुको पहिचानसमेत रहेको हुनाले यसको संरक्षण गर्नु पर्ने हामी सबैको दायित्व रहेको बताए ।

यस्तै कार्यक्रममा बोल्ने क्रममा विद्यायक कुशवाहाले भने ‘हामीलाई पटक पटक बिकासको काममा अवरोध भएको छ । तर पनि हामीले वाचा गरेको सबै कार्यहरु गरेकै छौँ । धेरै कामहरु अवरोधका कारण पनि हुन न सकेको र अगामी दिनमा यस्तै सबैको साथ भए बाँकी काम सफल हुने छ । साथै कटहरिया बजार स्मार्ट बजारको रुपमा परिचित हुने छ ।
मौलापुरको शिव मन्दिर नेपालको चर्चित मन्दिर मध्ये एक बनाउन हामी सफल भएका छौँ । तथा ३ वर्ष भित्र मौलापुरमा पर्यटन तथा बिकासको साकारात्मक गतिले अगाडि बढेको उनले बताए ।
कार्यक्रममा ८० वर्षिय वृद्धले एमाले पार्टीको नाम सहित होलिको गित वाचन गरेका थिए ।
कार्यक्रममा कटहरिया नगरपालिका नगर प्रमुख सियाराम कुशवाहाको विशिष्ठ आतिथ्यता रहेको थियो । सो कार्यक्रममा नेकपा एमाले पार्टीका नेता कार्यकर्ताहरुको सहभागिता रहेको थियो ।