रौतहटको हर्षाहामा अमन हेल्थ केयर हस्पिटल सञ्चालनमा।

राम प्रबेश बैठा ,रौतहट,फागुन ३० गते

रौतहटमा आज बृनदावन नगरपालिका स्थित हर्षाहामा सोमबार देखी अत्याधुनिक सुविधा सम्पन्न अमन हेल्थ केयर हस्पिटल सञ्चालनमा आएको छ ।
बृन्दावन नगरपालिकाका स्वास्थ्य संयोजक राम नरेश राय यादवले एक कार्यक्रमका बिच हर्षाहामा सञ्चालित अमन हेल्थ केयर हस्पिटल आज समुदघाटन गर्नुभएको छ ।
उदघाटन गरेसँगै अमन हेल्थ केयर हस्पिटल विधिवत रुपमा आजदेखी सञ्चालन भएको हो ।
हस्पिटलको उदघाटन पछि आयोजित उदघाटन समारोह कार्यक्रमलाई सम्बोधन अतिथीहरुले साँचिक्कै जनताको सेवामा लाग्नेमा आफुहरु आशावादी रहेकोे बताउनु भएको छ ।
अत्याधुनिक सुविधा सम्पन्न हस्पिटल सञ्चालन भएकोले रौतहटवासीलाई स्वास्थ्य उपचारका लागि अब टाढा जानुपर्ने बाध्याता अन्त्य हुने उनीहरुले बताएका हुन । अमन हेल्थ केयर हस्पिटलले गरिव वर्गलाई उपचार गराउन सहयोग गर्न अतिथीहरु आग्रह गर्नु भयो ।

स्वास्थ्य संयोजक यादवको प्रमुख आतिथ्यता तथा हस्पिटलका सञ्चालकको अध्यक्षतामा आयोजित उदघाटन कार्यक्रममा राजेश प्रसाद पटेल,मो.अबदुल्लाह सहित स्थानिय भद्रभलादमी,बुद्धिजिवीहरुको उपस्थिती रहेको हस्पिटलका सञ्चालक मो.महफुज रेहमानले जानकारी दिनु भयो ।