May 22, 2024

Madhesh Khabar

मधेशको न.१ मेडिया हजुरको हरपलको साथमा – मधेश खबर

बाराको तामागढी साझेदारी कोल्हबीले अनियमितता गरे भन्दै यूवाहरु द्धारा कार्यालय घेराउ

रामप्रवेश बैठा,रौतहट,फाल्गुन ०३ गते
तामागढी साझेदारी वन व्यवस्थापन समूहले व्यापक रुपमा अनियमितता गरेको भन्दै यूवाहरु द्धारा घेराउ गरेका छन् । बारा जिल्लाको कोल्हबी नगरपालिकामा रहेको सो कार्यालयका अध्यक्षको मिलोमतोमा व्यापक अनियमितता भइरहेको रहस्या बाहिर आएको छ । सो वडा नगरपालिकाको वडा नम्बर ४ पुरानो काँटा टोलमा रहेको कार्यालयमा आक्रोशित यूवाहरु पुगेका थिए ।
सो नगरपालिकाको वडा नम्बर १ देखि ११ सम्म सबै वडाका स्वः स्फर्त यूवाहरुले साझेदारीमा भइरहेको अनियमितताको पोल खोल्न पत्रकारहरुलाइ बोलाएका थिए । साझेदारीका अध्यक्ष रविन्द्र पनोहरले गैर कानुनी रुपमा वनका काठहरु बेचेको उनीहरुको आरोप छ । बिना बिलको मनपरी हिसाबले साझेदारीको कार्यालयमा राखेका काठहरु बेचेको यूवाहरुले आरोप लगाएका छन् ।
आक्रोशित यूवाहरु पुग्दा त्यहाँ केही बेर स्थिती तनावपूर्ण भएको थियो । यूवाहरुको समूह आउने खबर पाए लग्तै साझेदारीका अध्यक्ष सहित सबै कर्मचारीहरु फरार भएका थिए । प्रहरीले आक्रोशित यूवाहरुलाइ समझाइ बुझाइ फर्काएका थिए ।
यस विषयमा साझेदारीका अध्यक्ष रविन्द्र पनोहर सँग बुझदा आफूलाइ लिखित रुपमा वहाँहरुले केहि जानकारी नगराएको बताए । साझेदारीको बारेमा केहि भए हामी छलफल गर्न तयार रहेको बताउनु भयो ।