May 24, 2024

Madhesh Khabar

मधेशको न.१ मेडिया हजुरको हरपलको साथमा – मधेश खबर

राैतहट लगायत तराईमा बेमौसमी वर्षाले किसानकाे बालीमा क्षति

राैतहट,माघ २१ गते
बेमौसमी वर्षाबाट बालीनालीमा क्षति पुगेपछि राैतहटका किसानलाई समस्या भएको छ ।
माघकाे अन्ततिर परेको बर्षाले मसुराे,केराउ,मटर,तरिकारी खेति तथा दलहन बालीमा नराम्ररी क्षति पुगेपछि किसान समस्यामा परेका हुन् ।
राैतहटका अधिकांश स्थानमा मसुराे र तरकारी बालीमा क्षति पुगेको किसानहरूले बताएका छन् ।
कटहरिया नगरपालिका–४ का बिक्रम कुशवाहाले तरकारी खेतीमा पानी जमेकाे कारणले क्षति भएको बताए । तरकारी खेतिमा पानी जमेको कारण पमपिङ्ग सेट लगाएर पानी निकाल्नु परेको बताए । वर्षाका कारण बारीमा लगाएको तरकारी नष्ट नभएपछि चिन्ता परेका हुन् ।
बिहिवार रातिदेखि परेको अविरल वर्षाले राैतहटमा मसुराे बालीसँगै तरकारी बालीमा समेत नोक्सान गरेको छ । किसानको सयौं बिघामा लगाएका गोभी, भाण्टा, गोलभेडा र खुर्सानीलगायत मौसमी तरकारीबालीमा वर्षाको पानीले नोक्सान गरेको हो । बर्षाले तरकारी बाली क्षति पुगेपछि यहाँका किसान चिन्तामा छन् ।