माघ ४ गते, रौतहट ।
प्रदेश २ को नाम मधेश प्रदेश र स्थायी राजधानी जनकपुरधाम पारित भएकोमा रौतहटमा खुसीयाली मनाइएको छ ।
प्रदेश सरकार गठन भएको झण्डै पाँच वर्षपछि प्रदेशको नामाकरण र राजधानी तय भएको भन्दै जनता समाजवादी पार्टी नेपालका नेता कार्यकर्ताहरुले मंगलवार रौतहटमा दिप प्रज्जवलन गरी खुसीयाली मनाएका छन ।
सोमवार बसेको प्रदेशसभाको बैठकले प्रदेश २ को नाम मधेश प्रदेश र स्थायी राजधानी जनकपुरधामलाई दुई तिहाई भन्दा बढी बहुमतले पारित गरेको थियो ।
विगतका दिनमा भएको मधेश जनविद्रोह लगाएतको आन्दोलनको बलमा मधेशी जनताले मधेश प्रदेश पाएको भन्दै जनता समाजवादी पार्टी माधवनारायण नगरपालिका वडा नं ६ का वडा कमिटि अध्यक्ष विरझन राय यादवको नेतृत्वमा माधोपुर बजारमा दिप प्रज्ज्वलन गरी खुसीयाली मनाइएको छ ।
मधेश प्रदेश नामाकरणले बल्ल मधेशीले आफना पहिचान पाएको भन्दै उनिहरु खुसीयाली सट्टासाट्ट गरेका हुन ।
देशमा परिवर्तनका लागि उपेन्द्र यादव नेतृत्वको जनता समाजवादी पार्टीले गरेको आन्दोलन र आन्दोलनमा शहादत प्राप्त गरेका वीर शहिद मधेशीको बलीदानीको बलमा नै मधेश प्रदेश नामाकरण भएको भन्दै जसपाका नेता कार्यकर्ताहरु ठाउँ ठाउँमा खुसीयाली मनाएका छन ।
More Stories
भ्रष्टाचारीलाई जहाँ देख्यो त्यही जनकारवाही गर्न आईटी आर्मीलाई प्रभु साहको निर्देशन
फतुवा विजयपुरमा एक जना राहत शिक्षकलाई दुई विधालयको प्रधानाध्यापकको जिम्मेवारी
पत्रकार महासंघको निर्वाचन अनिश्चितकालका लागि स्थगित