पूर्ण खोपयुक्त घोषणा हुन नुवाकोट र मधेसका चार जिल्ला बाँकी

यसबाहेक नुवाकोट जिल्ला पनि पूर्ण खोपयुक्त जिल्ला घोषणा हुन बाँकी छ। मधेसकै सबैभन्दा बढी जिल्ला पूर्ण खोपयुक्त जिल्ला घोषणा हुन बाँकी रहेकाले यी जिल्लामा अहिले धमाधम काम भइरहेको सम्बन्धित स्वास्थ्य कार्यालयले जानकारी दिएका छन्।
वैशाख–जेठसम्म पर्सालाई पूर्ण खोपयुक्त जिल्ला घोषणा गर्ने तयारी भएको स्वास्थ्य कार्यालय पर्साका प्रमुख मुक्तिनारायण साहले बताए।
पर्साका १४ पालिकामध्ये १० पालिका पहिले नै पूर्ण खोपयुक्त घोषणा भएको तथा बाँकी चार पालिकालाई पनि भर्खरै पूर्ण खोपयुक्त घोषणा गरिएको बताए।

मधेस प्रदेशमा रहेका जिल्लामध्ये सबैभन्दा बढी रौतहटका पालिका पूर्ण खोपयुक्त घोषणा गर्न सकिएको छैन। त्यहाँ रहेका १८ मध्ये ९ वटा स्थानीय तहलाई अहिलेसम्म पनि पूर्ण खोपयुक्त पालिका घोषणा गर्न बाँकी रहेको स्वास्थ्य कार्यालय रौतहटका प्रमुख बिनितकुमार साहले जानकारी दिए। मधेसभरि नै सबैभन्दा बढी रौतहटमा पालिका पूर्ण खोपयुक्त घोषणा नभएकाले आफ्नो नगरपालिकाका वडामा ब्यापक रुपमा काम भइरहेको मौलापुर नगरपालिकाका स्वास्थ्य शाखाका प्रमुख अच्छेलाल साहको भनाइ छ।

जेठसम्म आफ्नो पालिका जसरी पनि पूर्ण खोपयुक्त घोषणा गर्ने लक्ष्यसाथ काम गरिरहेको उनले बताए।

पूर्ण खोपका लागि दुई वर्षमुनिका बालबालिकाले शतप्रतिशत खोप लगाएको हुनुपर्छ। सरकारले १३ प्रकारका खोप बालबालिकालाई निःशुल्क दिन्छ। पोलियो खोप, हेपाटाइटिस बी, धनुष्टंकार, इन्फ्लुयन्जा, लहरेखोकी, भ्यागुते रोग, निमोनिया तथा दादुराररुबेलाविरुद्धको खोपलगायत छन्। देश सञ्चार