May 28, 2024

Madhesh Khabar

मधेशको न.१ मेडिया हजुरको हरपलको साथमा – मधेश खबर

रौतहटको माधाेपुरका वडा अध्यक्ष रामनरेश यादवले सम्हाले पदभार

रुपेश यादव
रौतहट जेठ ११ गते
रौतहटको माधवनारयण नगरपालिका वडा नं ६ माधोपुरका निर्वाचित वडा अध्यक्ष रामनरेश यादवले आज पदभार ग्रहण गरेका छन ।
नवनिर्वाचित नगर प्रमुख बैजनाथ प्रसाद यादवबाट पद तथा गोपनियताको सपथग्रहण गरेलग्त्तै बुधवार वडा अध्यक्ष यादवले वडा कार्यालय पुगेर पदभार ग्रहण गरेका छन् ।
नेकपा एकिकृत समाजवादी पार्टीबाट निर्वाचित वडा अध्यक्ष यादवले आजदेखी पाँच वर्षको लागि माधोपुर गाँउ हाक्ने जिम्मेवारी सम्हालेका हुन । कार्यभार सम्हाल्न वडा कार्यालय पुगेका यादवलाई कर्मचारी, जनप्रतिनिधि र स्थानीयहरुले भव्य स्वागत गरेका थिए ।
वडा अध्यक्षको कार्यभार सम्हाल्दै यादवले आउँदो पाँच वर्षभित्रमा वडा नं ६ लाई एउटा नमुना वडा बनाउने उदघोष गरेका हुन ।
गाउँलाई सुखी, समृद्ध र विकसित बनाउन आफु कुनै कसर बाँकी नराख्ने उनले प्रतिवद्धता जनाए ।
जनताको चाहना र भावना अनुसारको काम गरी गाउँलाई जिल्लामा मात्र नभई देशमै चिनाउने गरी विकास निर्माण लगाएतको कार्य गर्ने उनले बताए ।
आफु जनताको मालिक नबनी सेवक बनेर जनताको चाहना अनुसारको काम गर्नबाट कहिल्यै पछि नहटने उनले उदघोष गरे ।
र सो कार्यक्रम स्थानीय भद्रभलाद्मी प्रहरी पत्रकार लगाएत हजारौं व्यक्ति को उपस्तिथि रहेका थिए।