रौतहट ,फाल्गुन ०४ गते
रौतहट जिल्लाको मध्य भाग गरुडा नगरपालिका स्थित बिर्तामा बुधबार देखी अत्याधुनिक सुविधा सम्पन्न जनसेवा इमरजेन्सी हस्पिटल प्रा.लि. सञ्चालनमा आएको छ ।
मधेश प्रदेश का मुख्यमन्त्री लालबाबु राउतले बिर्तामा सञ्चालित जनसेवा इमरजेन्सी हस्पिटल प्रा.लि. आज समुदघाटन गर्नुभएको छ ।
मधेश प्रदेश का मुख्यमन्त्री राउत र भूमि व्यवस्था कृषि तथा सहकारी राज्य मन्त्री योगेन्द्र राय यादव दुवैजनाले संयुक्त रुपमा आयोजित एक समारोहका बीच उक्त हस्पिटलको उदघाटन गर्नुभएको छ ।
मुख्यमन्त्री राउत र कृषि राज्य मन्त्री यादवले उदघाटन गरेसँगै जनसेवा इमरजेन्सी हस्पिटल प्रा.लि. विधिवत रुपमा आजदेखी सञ्चालन भएको हो ।
हस्पिटलको उदघाटन पछि आयोजित उदघाटन समारोह कार्यक्रमलाई सम्बोधन गर्नुहुँदै मुख्यमन्त्री राउतले जनसेवा इमरजेन्सी हस्पिटल साँचिक्कै जनताको सेवामा लाग्नेमा आफु आशावादी रहेकोे बताउनुभएको छ ।
रौतहटमै अत्याधुनिक सुविधा सम्पन्न हस्पिटल सञ्चालन भएकोले रौतहटवासीलाई स्वास्थ्य उपचारका लागि अब टाढा जानुपर्ने बाध्याता अन्त्य भएको मुख्यमन्त्री राउतले बताएका हुन । जनसेवा इमरजेन्सी हस्पिटल प्रा.लि.ले गरिव वर्गलाई उपचार गराउन सहयोग गर्न मुख्यमन्त्री राउतले आग्रह गर्नु भयो ।
हस्पिटलको उदघाटन गर्न रौतहट आउनुभएका मुख्यमन्त्री राउत र राज्य मन्त्री यादवलाई रौतहटका जनताले भव्य स्वागत गरेका छन ।
मुख्य मन्त्री राउतको प्रमुख आतिथ्यता तथा हस्पिटलका सञ्चालकको अध्यक्षतामा आयोजित उदघाटन कार्यक्रममा विशिष्ट अतिथिको रुपमा जनता समाजवादी युवा संघका केन्द्रिय अध्यक्ष एवं कृषि राज्य मन्त्री योगेन्द्र यादव, प्रदेश २ का विकास समितिका सभापति एवं प्रदेश सांसद शेख फुलबाबु,गौर नपाकी उपमेयर किरण ठाकुर, जसपा नेता ब्रिजकिशाेर यादव, कौशल खान मिथिला लगाएतका नेता कार्यकर्ताहरुको उपस्थिती रहेको थियो भने कार्यक्रम सञ्चालन प्रदेश २ का दलित विकास समितिका सदस्य राजकुमार दासले गरेको हस्पिटलका सञ्चालक लखिन्द्र कुमार गुप्ताले जानकारी दिनु भयो ।
More Stories
श्री मा.बी.कर्कच गूठीमा निर्वाचनको प्रक्रियाबाट बिधालय व्यवस्थापन समिति चयन हुने
शिवनगर अस्पतालला एक महिनामा २ सुत्केरी महिलाको मृत्यु, अवस्था तनावग्रस्त ।
आजपा केन्द्रीय सदस्य साहलाई रिहा नगरिए कडा आन्दोलन गर्ने घोषणा