पौष २० ,रौतहट
किसानलाई उखुको पैसा नतिर्ने रौतहट जिल्लाको मध्यभागमा अवस्थित रहेको श्रीराम सुगर मिल्स सहित ५ वटा उद्योगको जग्गा र बैंक खाता रोक्का गर्न पत्राचार गरिएको छ । प्रतिनिधिसभा अन्तर्गतको लेखा समितिमा मंगलबार भएको छलफलमा उद्योग, वाणिज्य तथा आपूर्ति सचिव दिनेश कुमार भट्टराईले यस्तो जानकारी दिएका हुन् । मन्त्रालयले रौतहटको श्रीराम सुगर मिल्स ,हिमालय, लुम्बिनी, अन्नपूर्ण र इन्दिरा चिनी मिलको बैंक खाता र जग्गा रोक्का गर्नका लागि भूमी व्यवस्था, गृह र अर्थ मन्त्रालयमा लेखी पठाएको वाणिज्य सचिव भट्टराईले बताए ।‘५ वटा मिलले उखु किसानलाई ८ करोड ७० लाखभन्दा बढी रुपैयाँ भुक्तानी गर्न बाँकी रहेछ, ।
रौतहट जिल्लाको धरोहरको रुपमा रहेको श्री राम सुगर चिनि मिल्स रौतहटले अहिलेसम्म मात्र किसानको ३ करोड १४ लाख रुपैँया दिन बाकी राखेको छ ।उनीहरुलाई भुक्तानीमा प्रतिबद्ध गराउन हामीले काम गरिरहेका छौं,’ सचिव भट्टराईले भने । उखुको मूल्य निर्धारण गर्ने समय भएको बताउँदै उनले उखुमा देखिएको समस्याले उत्पादन घट्दै गएको बताए ।किसान प्रताडित हुँदै जाँदा आत्मनिर्भर हुँदै गएको खेती परनिर्भरतातर्फ धकेलिएको र उद्योग संख्या पनि २९ बाट घटेर ८ वटामा झरेको सचिव भट्टराईले बताए ।छलफलमा राजश्व सचिव कृष्णहरी पुस्करले चिनीमा लगाइने भ्याट हटाउन विगतदेखि नै छलफल भइरहे पनि तत्काल निर्णय भने गर्न नसकिएको बताए । किसानले बिगत पाँच बर्ष अघि दिएको उखु किसानको पैँसा अहिलेसम्म नदिएको कारण अहिले पनि आन्दोलन गर्दै आईरहेको छ ।पुस महिनाभित्रै सबै रकम भुक्तानी नभए माघबाट पुनः आन्दोलनको तयारी गर्ने किसानहरुले चेतावनी दिएका छन ।
More Stories
भ्रष्टाचारीलाई जहाँ देख्यो त्यही जनकारवाही गर्न आईटी आर्मीलाई प्रभु साहको निर्देशन
फतुवा विजयपुरमा एक जना राहत शिक्षकलाई दुई विधालयको प्रधानाध्यापकको जिम्मेवारी
धरहरीकाे राधाकृष्ण मन्दिर आकर्षणकाे केन्द्र बन्दै असार ३१मा प्राण प्रतिष्ठा