राम प्रबेश बैठा
रौतहट, १४ गते असोज
मंसिर ४ गते हुने चुनावको लागि प्रतिनिधि सभा सदस्य तथा प्रदेश सभा सदस्य निर्वाचनलाई लक्षित गर्दै जिल्ला प्रशासन कार्यालय रौतहटले इजाजत प्राप्त हातहतियार बुझाउन भनेको छ ।
आगामी मंसिर ४ गतेमा हुने निर्वाचनलाई स्वच्छ,निष्पक्ष र सुरक्षित वातावरणमा गर्नका लागि प्रशासनले इजाजत प्राप्त हतियार बुझाउन सूचना जारी गरेको हो ।
जिल्ला प्रशासन कार्यालय गौर,रौतहटका प्रशासकिय अधिकृत मनिष झाले शुक्रबार जारी गरेको सूचनामा इजाजत लिएर घरमा राखिएका विभिन्न किसिमको हातहतियारहरु निर्वाचन सकिएपछि सम्बन्धित व्यक्तिलाई फिर्ता दिनेगरी बुझाउन भनिएको छ ।
निर्वाचनमा शान्तिपूर्ण वातावरण तयार गरी भरपर्दो र विश्वसनीय बनाउन भन्दै प्रशासनले कार्तिक ०५ गते भित्र नजिकको प्रहरी इकाई मार्फत जिल्ला प्रहरी कार्यालय रौतहटमा बुझाउन अनुरोध गरेको हो ।
More Stories
भ्रष्टाचारीलाई जहाँ देख्यो त्यही जनकारवाही गर्न आईटी आर्मीलाई प्रभु साहको निर्देशन
फतुवा विजयपुरमा एक जना राहत शिक्षकलाई दुई विधालयको प्रधानाध्यापकको जिम्मेवारी
धरहरीकाे राधाकृष्ण मन्दिर आकर्षणकाे केन्द्र बन्दै असार ३१मा प्राण प्रतिष्ठा