रौतहट १८ गते बैशाख
रौतहट जिल्लाको कटहरिया नगरपालिकामा एमालेका मेयर उम्मेदवार सियाराम कुशवाहा को फेरि चर्चा चुलिएको छ । उनी फेरि नेकपा एमाले पार्टी बाट २०७९ काे स्थानीय तहको निर्वाचनमा मेयर पदमा उठेका छन् ।
स्थानीय तहको निर्वाचन नजिकिए सँगै कटहरिया नगरपालिकाको टोल टोल र घर घरमा मेयर उम्मेदवार कुशवाहा को चर्चा हुन थालेको छ । उनले गरेको कामहरूको मूल्यांकनको आधारमा जनाधार बढ्दै गएको देखिन्छ ।
निर्वाचित नभए पनि करोडौं विकास निर्माणकाे काम गराउन सफल भएका उनी चर्चित बनेका छन् । पाँच वर्षमा गरेकाे विकासकाे काम बजेट ल्याएर सडक ढलान,नाला लगायतकाे काम सम्पन्न गराए पछि उनकाे चर्चा चुलिएको छ । कटहरिया नगरपालिकाकाे कटहरिया बजारको स्मार्ट सिटि लगायतकाे ठाउँहरूमा करोडौंकाे विकास निर्माणकाे काम गराउन सफल भएका छन् ।
स्थानीय सरकार बाट नै समाज परिवर्तन र तिव्र विकासका लागि आफू फेरि चुनावी मैदानमा पुनः होमिएको उनले बताएका छन् ।
आगामी बैशाख ३० गते स्थानीय तहको निर्वाचन हुँदैछ । जिल्लाको उतरी भेग कटहरिया नगरपालिकाको टोल टोलमा मेयर उम्मेदवार सियाराम कुशवाहा चुनावी तयारी गरिरहेका छन् ।
निर्वाचनको मिति नजिकिएसँगै कुशवाहाले चुनावी प्रचारप्रसार तीव्र बनाएका छन् । उनले आफ्नो पक्षमा मत तान्न गाउँ गाउँमा पुगीरहेका छन् । मतदाता रिझाउनका लागि उनी गाउँ गाउँमा पुग्ने गरेका छन् ।
स्थानीय निर्वाचनमा पार्टीलाई बहुमत दिलाउनका लागि उनले प्रत्येक वडा, टोल र घरमा पुग्ने अभियान सञ्चालन गरेका छन् ।
More Stories
भ्रष्टाचारीलाई जहाँ देख्यो त्यही जनकारवाही गर्न आईटी आर्मीलाई प्रभु साहको निर्देशन
फतुवा विजयपुरमा एक जना राहत शिक्षकलाई दुई विधालयको प्रधानाध्यापकको जिम्मेवारी
धरहरीकाे राधाकृष्ण मन्दिर आकर्षणकाे केन्द्र बन्दै असार ३१मा प्राण प्रतिष्ठा