काठमाडौं ।
प्रधानमन्त्री पुष्पकमल दाहाल ‘प्रचण्ड’ले आरती साहको हत्यारालाई कानूनी कारवाही गराउँने प्रतिबद्धता व्यक्त गरेका छन् ।
प्रधानमन्त्रीको निवास बालुवाटारमा आज आरती साहको पीडित परिवारसंग भेटघाट गर्दै प्रधानमन्त्री प्रचण्डले यस्तो प्रतिबद्धता व्यक्त गरेका हुन् । आरती साहको पीडित परिवारलाई न्याय दिलाउँन सरकारले पहल गर्ने प्रधानमन्त्रीले जनाएका छन् ।
आरती साहको हत्यारालाई कारवाहीको माग गर्दै उनको परिवारले काठमाडौंमा महिनौंदेखी आन्दोलन गर्दै आएको छ । आरतीको परिवार अझै आन्दोलनमै छ । आरती साहको हत्यारालाई कारवाही गर्नुपर्ने भन्दै संसददेखी सडक सम्म आवाज उठाउँदै आएका आम जनता पार्टी (आजपा) का अध्यक्ष एवं पूर्वमन्त्री प्रभु साहको विशेष पहलमा सो भेटघाट भएको हो ।
आजपा अध्यक्ष साहले आरतीको पीडित परिवारलाई न्याय दिनुपर्ने भन्दै आजपा अध्यक्ष साहले आवाज उठानुका साथै पहल समेत गर्दै आएका छन् । उनले सरकारलाई दबाब दिदै आरतीको परिवारलाई न्याय दिलाउँन पहल गर्दै आएका छन् । यस अघि साहले गृहमन्त्री नारायणकाजी श्रेष्ठसंग समेत भेटघाट गर्दै आरतीको परिवारलाई न्याय दिलाउँन छलफल गरेका थिए ।
प्रधानमन्त्री प्रचण्डलाई भेटन आजपा अध्यक्ष प्रभु साह, आरती साहका वुवा विनोद साह, बहिनी अनिषा साह लगायतको सहभागिता रहेको थियो ।
More Stories
श्री मा.बी.कर्कच गूठीमा निर्वाचनको प्रक्रियाबाट बिधालय व्यवस्थापन समिति चयन हुने
शिवनगर अस्पतालला एक महिनामा २ सुत्केरी महिलाको मृत्यु, अवस्था तनावग्रस्त ।
आजपा केन्द्रीय सदस्य साहलाई रिहा नगरिए कडा आन्दोलन गर्ने घोषणा