प्रचण्डले रौतहटको जनतालाई झुठो अस्वासन दिएर फर्किए

रौतहट,मंसिर ०४ गते

नेकपा माओवादी केन्द्रका अध्यक्ष पुष्पकमल दाहाल ’प्रचण्ड’ले रौतहटको गरुडामा रहेको श्रीराम सुगर मिल सञ्चालन गर्ने पहल गर्ने बताउनु भएको छ । रौतहटको कटहरिया नगरपालिकामा आयोजित कार्यक्रमलाई सम्बोधन गर्दै प्रचण्डले सो कुरा बताएका हुन् । कटहरियामा मालापोत कार्यालय,कृषि विकास बैंक सहितको सरकारी कार्यालयहरु स्थापना गराउन आफूले पहल गर्ने आश्वासन दिनु भएको थियो ।
रौतहटमा किसानको समस्या रहदै आएकोले त्यो सामाधानका लागि सम्बन्धित निकायमा आफूले पहल गर्ने बताउनु भएको छ । जिल्लामा लालबकैया,बागमती लगायतको नदीहरुका कारण यहाँको जनताले क्षती ब्यहोर्दै आइरहेका बताउँदै नदी नियन्त्रणको लागि आफनो पार्टीकै मन्त्रालय रहेकोले यसको लागि आफूले ठाडो आदेश दिने बताउनु भएको छ ।
प्रदेश नम्बर २ मा माओवादी १ नम्बरको पार्टी हुने दाबी गरेका छन् । मधेश माओवादीमय बन्दै गएको दाबी गर्नु भएको छ । मधेशीको हक अधिकारको लागि खह्रो रुपमा उत्रेको कारण माओवादीको लोकप्रियता बढदै गएको दाबी गर्नु भएको थियो ।
साथै, प्रचण्डले माओवादीले संघीयता छोड्यो भन्ने झुटलाई व्यापक प्रचार गरिएको आरोप लगाए ।
रौतहट क्रान्तीकारी विरहरुको जिल्ला रहेको बताउनु भएको छ । जस्तो सुकै परिस्थीतीको सामना गर्ने लालकिलाको रुपमा यो जिल्ला रहेको बताउनु भएको छ । प्रचण्डलाइ ५१ किलोको मालाले कटहरियामा स्वागत गरिएको थियो । जनसभामा माओवादी केन्द्रका नेता कार्यकर्ताहरुको भव्य उपस्थिती रहेको थियो