May 26, 2024

Madhesh Khabar

मधेशको न.१ मेडिया हजुरको हरपलको साथमा – मधेश खबर

एनआरएन फुटबलको उपाधि ग्रानभिललाई

 

बुधबार, असार २७, २०८०

एनआरएनए कप सिक्स ए साइड कप’ फुटबल प्रतियोगिताको उपाधि ग्रानभिल राइनोज क्लबले हात पारेको छ।

सेन्ट जोर्जलाई टाइब्रेकरमा ३-२ ले पराजित गर्दै ग्रानभिलले उपाधि हात पारेको हो।

निर्धारित पन्ध्र मिनेटको खेलमा एक एक गोलको बराबरी भएपछि खेल टाइब्रेकरमा पुगेको थियो।

उपाधिको भिडन्तमा राजदिप थापामगर, सुपर गुरूङ र विवेक गुरूङले गोल गरेका थिए।

प्रतियोगितामा ग्रानभिलका राजदिप थापा मगर उत्कृष्ट खेलाडी घोषित भए।

प्रतियोगिताको उत्कृष्ट खेलाडीमा डाँफेका बिलक्षण थापा उत्कृष्ट मिडफिल्डर, हाइएस्ट गोल स्कोररमा रूपम लामा र वेष्ट डिफेन्डरमा सुपर गुरूङ छानिए।

प्रतियोगितामा विजेता ग्रानभिलले २५ सय डलर र ट्रफी हात पारेको छ।

ग्रानभिलले निकै उत्कृष्ट टोलीविरूद्ध निकै राम्रो खेल प्रदर्शन गरेर उपाधि भित्र्याएको क्लबका अध्यक्ष भीम बस्नेतले बताए।

प्रतियोगितामा नेपाली राष्ट्रिय टोलीका लगभग एक दर्जन खेलाडीहरूको सहभागिता थियो।